Iathoh kyndit U Johnson bad ka tnga jongu, ka Carrie Symonds

London: U Boris Johnson, myntri rangbah duh ka England, ula iathoh kynsan bad ka tnga jongu, ka Carrie Symonds, hynnin ka sngi.

Katei ka jing iathoh, ka dei kaba ym don ba tip satia bad la shu khot khohreh ia ki khyndiat ngut ruh, kiba dei ban leit sha ka jing iathoh ha Downing Street, kaba dei ka jaka sah jong u myntri rangbahduh ka Ri.

Na ki kyndon jong ka covid 19, ka don ka ain, kaba shah tang 30ngut ki briew, ba kin don ha kano kano ka jing iathoh shong kurim. U Boris, ula ia shong ia sah lang bad ka Symonds, ha Downing Street, naduh ba u shim ia ka shuki, myntri rangbahduh. Ki don uwei u khun, uba shi snem ka rta, U Wilfred.

U Johnson, u iathoh ia kane ka tnga, kaba lai jongu bad ka tnga kaba ar jongu, ka Marina Wheeler, ula ia pyllait ha u snem 2018 bad ka dei kaba trei kum ka riewsaid bad ki don saw ngut ki khun.

Ka tnga ba nyngkong jongu, ka Allegra Mostyn-Owen, ka dei kaba u ia pule lang ha Oxford University bad ki ia poi kha ha u snem 1987, hynrei ki la ia pyllait noh ha u snem 1993 bad ha kajuh hi ka snem, u ia shong noh bad ka Wheeler.