Shillong, 11 Iaiong:
Ka Shillong College ka la iateh lok bad ka Indira Gandhi National Open University (IGNOU) ban ai jinghikai ia ka pule pule ia koto ki samla kiba duh bym ioh lad ban pule ha ki kyrdan ba shalor.
Ka IGNOU ka la jied ia ka Shillong College ban pyniaid ia ka jaka pule hadien ba la khang noh ia ka jaka pule na Sanker Dev College.
“Kane ka university ka sngew sarong ban iateh bad ka Shillong College. Nga sngew kmen ba kane ka kolej kan pdiang ia kane ban pyniaid ia kane ka jaka pule”, la ong u Regional Director ka IGNOU u Dr Joseph Somi ha ka jingiakren hynne ka sngi Thohdieng.
U Dr Somi u la kdew ba la don ki samla ki bym lah ban bteng ia ka jingpule ba shalor namar ba kim don lad hynrei ka jingplie ia kane ka jaka pule, kan plie lad ia ki.
U la iathuh ba kane ka skulbah ka la don ki samla pule 3.8 million bad ha Meghalaya, la don 8252 ngut ki samla pule.
U Dr Somi u la ong ba ki jingpule ki long BSC, MA (Sociology) bad MCom.
U principal ka Shillong College u Bah KD Ramsiej u kyrmen ba kane ka jaka pule kan long kaban long kaba seisoh.
Phi don ban ong eiei?