Iatai ka NEC ia ka plan ka thain

Shillong, 05 Iaiong:
Ka jingialang jong ka North Eastern Council (NEC) ha Secretariat, Shillong ka la iakren ia ka plan jong ki kam pynroi ha ka dong mihngi ka Draft Regional Plan ryngkat ba ki heh jong ki tnad sorkar pdeng bapher bapher kiba don ha kane ka dong mihngi.
Ki tnad sorkar pdeng kum ka ICAR, Health, Airport Authority of India, NESAC, UGC, Power, MSME, Sports Authority of India bad kiwei ki iashim bynta ha kane ka jingialang na ka bynta ka roi ka par jong ka thain.
U C.K. Das u dkhot ka NEC uba pyniaid ia ka jingialang u la ban jur na ka bynta ban pynlong ia ka thain kaba roi lyngba ka jingiashim bynta bad pyntreikam ia ki skhim bapher bapher ka sorkar India.
U la ban jur ia ka jingiakren kaban long khah khah bad ban iakynduh ban bishar bad peit ia ka jingiaid jong ki kam.
U Ram Muivah u Secretary ka NEC u la pdiang sngewbha ia baroh kiba wan iashim bynta ha kane ka jingialang.