Iasuk ka KSU bad u Pulit

Shillong,28 Nailur:
U Samla Donbok lang Sawkmie uba bat ruh kum u Publicity Secretary jongka KSU Mawlai Circle,u la weng noh ia ka jing ujor, pyrshah ia u pulit uba jrong kti ia u myn ha ka sngi palei jong ka taiew, ha ryngkat ka jingiadonlang ki dkhot ka KSU Mawlai Circle.
Ka jingweng noh jong utei u Samla, ia ka jingujor, ka dei halor ka nongrim ba utei u pulit u la wan ban panmap bad kren iasuk noh ha ophis treikam jong ka Seng ha Jaiaw. “Te kum u samla ba don ka mynsiem iatip lem um shem lah buhnud shuh bad u pdiang da ka jingsuk mynsiem bad na ka liang ka jong u, u kwah ban kan nym jia shuh nangne shakhmat khamtam iaki briew kiba lui2 kiba iaid ba ieng khnang ba kan nym buh iaki ha ka jingsyier bad ka long ruh kumjuh ka nuksa ia kiwei ki pulit ba kin nym pyndonkam bakla iaka Ain khamtam haba ki lah dih lah bam namar ka long ka jingsyier iaki paidbah bad ka jingleh jong uwei u ar kan pynbud nam iaka Department hi baroh kawei” ong ka kyrwoh na ka KSU.