Iasoh UPF U bah Adelbert, kiew jingbun MLA sha ka 7ngut

Shillong: Ka kynhun United Progressive Front (UPF) kaba don ka PDF 4 ngut ki MLA, ka NCP 1 bad MLA shimet bah Lambor Malngiang, ka la kiew ka jingbun briew sha ka 7 ngut hadien ba u MLA ba marwei ka KHNAM u bah Adelbert Nongrum, u la pyniasoh bad kane ka kynhun mynta ka sngi.

Ha ka kyrwoh ba la thoh sha u chairman ka UPF, u bah Adelbert u la ong ba u la rai ban pyniasoh bad kane ka kynhun UPF lada ka mynjur ban rah ban pynsngew kawei ka sur ban pynbor ia ka sorkar ban thaw da ka Committee ban bishar ia ka State Reservation Policy bad kiwei ki kam ban sa wanrah na ka bynta ka roi ka par ka jylla.

Ka UPF la thaw da ka kynhun kaba la iohi kum ka jingpyrshang ban khang lad ia ka UDP ban leh khlieh ha kane ka sorkar bad kala mih hadien ba la khlad kyndit noh u Dr Donkupar Roy dang shen. Ka UPF ka don ka PDF ba don 4 ngut ki MLA, ka NCP 1, 1 MLA shimet bad sa u bah Adelbert.