Iashrut ki heh Karkhana Dewbilat bad ki malik halor ka bai kali sorkar

Jowai: Myn hynnin ka sngi, ka la don ka jingiashrut hapdeng ki heh kar khana Cement Plants bad ki malik trok halor ka bai kali jong ka sorkar jylla.
Ki malik trok ki la rai ban sangeh ban shallan dewbilat bad clinker na ki kharkhana na East Jaintia Hills hadien ba ki karkhana Dewbilat, ki la kyntait ban burom iaka hukum jong ka sorkar jylla kaba la pynmih lyngba ka transport Department.

Da ki spah ngut ki trai trok ki la hiar sha Topcem cement ban ia kynduh ia u President All Jaintia Cement Manufacturer Association na ka bynta ban iakren halor katei ka bai kali ka sorkar jylla.

Ki Trai trok ki la ia kynduh ia u RK Pareek bad ia u Pawan Joshi kiba dei u President bad Secretary ki karkhana Dewbilat.

Ha ka jingiakren jong ki, kam shym la poi shaei shaei ha kaba ki malik trok ki la shim ia ka rai ban sangeh noh ia ka jingshallan ia ki mar kiba kynthup ia ka Dewbilat bad Clinker na ki Karkhana Cement Plant baroh.