Iaroh u Modi ia ka Mawlynnong

Shillong, 25 Risaw:
U Myntri Rang bah Duh ka Ri u Narendra Modi u la iaroh ia ka Mawlynnong ha ka jingkren jong u mynta ka step ha ka por 11:00 baje mynstep lyngba ka All India Radio. U Modi u la iaroh ka jingkhuid katei ka shnong lyngba ki jingkren jong u ha ka prokram kaba la tip kum ka ‘Maan ki Baat’. U Modi u la ioh jingtip shaphang ka Mawlynnong dei lyngba ka jingiathuh u Lat ka jylla u V.Shanmuganathan ha ka shithi kaba u la thoh sha u. U Lat u la pyntip sha u Modi lyngba ka shithi ba ka Mawlynnong ka dei ka shnong kaba khuid bad kaba leh khuid la katto katne snem mynta bad ka dei ruh ka shnong kaba la ioh khusnam kum ka shnong kaba khuid tam ha dewlynnong bah Asia. U Modi u la ong ba katei ka nuksa ka Mawlynnong kan pynlong ia ka ri baroh kawei kaba khuid lyngba ka jingiashim bynta ki nongshong shnong ka ri India. Ha katei ka jingkren u la buh thong ruh ba ha u 2019 ka sngi bay n rakhe ia ka jingdap 150 snem ka lyngkhuh sngi kha u Mahatma Gandhi ki 125 klur ki briew ha India kin kren sarong ba ka India ka dei ka ri kaba lait na ki jingjaboh.