Iarap u MLA Nongpoh ban pynioh kali kit niut, ha Pahamsyiem

Nongpoh:Shi bynta ban iarap ia ki paidbah ka shnong Pahamsyiem ha Nongpoh, u Bah Mayrald Born Syiem, MLA Nongpoh, u la lah ban iarap pynioh kawei ka kali kit niut ia ka shnong Pahamsyiem bad ia katei ka kali la pyllait paidbah myn ha ka sngi Saitjan ha phyllaw ka Iing Dorbar Pahamsyiem.

Kiba la donlang ha katei ka sngi kaba la pyllait paidbah ia katei ka kali kit niut, ki kynthup ia u Bah Balajied Rani, MDC Nongpoh, nangta u Bah Jedwin Lyngdoh, Rangbah shnong Pahamsyiem lem bad kiwei de ki riew rangbah katei ka thain.

Lyngba katei ka sngi, nalor kaba la pyllait paidbah ia katei kali, u MLA Nongpoh, u la sam ruh da ki Dustbin sha katei ka shnong, khnang ba kin ioh ban pyndonkam.