Iarap lanot Uttarakhand na Jaintia

Jowai, 29 Naitung:
Ka seng jong ki nonghikai ba tip kum ka Jaintia Hills Govt. Primary School Teachers’ Association, Jowai hapoh ka jingialam jong u General Secretary u ma Heimonmi T. Mohrmen kala leit ban ai ia ka jingiarap sha ki lanot shlei um jong ka jylla Uttarakhand lyngba ka Chief Minister Relief Fund. Kane ka seng kala leit ban ai ia ka jingiarap pisa kaba Rs.20,000/- (Arpher Hajar) tyngka. Ia kane ka pisa bala wanrah da ka Cheque la leit ban aiti ha u Chief Minister ka jylla u Dr. Mukul Sangma ha kane ka 26 tarik mynta u bnai ha ka kamra trei kam jong u, ha ka jingiadonlang ki nongialam jong ka Meghalaya State Govt. Employees’s Federation.