Iarap ka WJDSA ia ka longing ba shah ktah Jumai

Jowai, 8 Jymmang:
Ka West Jaintia Hills District Sports Association (WJDSA) ka la iarap ia kawei ka longing haduh 10 hajar tyngka ha kane ka sngi Saitjain na kadaw ba katei ka longing ka la shah ktah ha u Jumai uba la jia ha une u bnai ba la dep.
Lah ban kynmaw ba ha ka 13 tarik u bnai ba la dep u Jumai u la pynjulor ia ki katto katne ki iing ki sem ha Jaintia Hills bad kane ka longing kaba la kynduh ia katei ka jingjia, na ka liang ka WJDSA ka la noh synniang kum shi bynta ban iarap ia katei ka longing ban ioh maramot ia ka iing kaba la orpait na utei u jumai.
Katei ka longing kadei ka jong u ma Marius Myrshiang kaba don ha Dongmihsngi Jowai.