Iarap ka Meghalaya SDRF ban sam ia ki tiar jingiarap ha ka thain Dalu ba la shah ktah ha ka jingshlei um

Shillong: Kum ka jingbteng ia ka jingiarap jong ki, ia ka thain Dalu kaba la shah ktah ha ka jingshlei um, ka Meghalaya’s State Disaster Response Force (SDRF) mynta ka sngi ka la iarap ia ka bor pyniaid jong ka Block ban sam ia ki jingiarap ha ki katto katne ki bynta jong ka C&RD Block.

Ka kynhun jong ka SDRF ka la kit bad sam ïa ki tiar jingïarap sha ki jaka kum sha South Kujikura, Rengrampara bad sha Adanggri bad ha ophis jong ka Dalu C&RD Block.

Ha Barongpara, ka SDRF ka la hap ban iaid lyngba ia ka wah da ka lieng, ba la shna kyrpang bad ki nar ban pynpoi ia ki tiar sha ki nongshong shnong ha katei ka thain.

Lah ban kdew ba ka kynhun SDRF ka la don ha ka thain Dalu kaba la shah ktah ha ka jingshlei um naduh ka sngi thohdieng hadien ka jingshlei um namar ka jingjur jong u slap.