Nongpoh: Haba iadei bad ka jingjia twa ka khyndew ha ki bynta jong ka jingkieng Dwarksuid, la mih ka jingtyngkhuh halor ka jingkren u Project Director (PD) ka National Highways Authority of India (NHAI) Shillong bad ka hukum jong u Arpit Upadhayay, Deputy Commissioner ka Ri Bhoi District, halor ka jingkren ia katei ka jingkieng.
U Arpit Upadhyay, DC ka Ri Bhoi, hadien ba u la leit ban jurip ia katei ka jingkieng, u iohi ba ka dang biang na ka bynta ban iaid ki kali kiba kit hapoh ka 30 ton ba kin lah ban iaid lyngba, ha kaba u la pynjari ruh da ka kyndon 144 CrPC ia kiba pynkhien ain bad kiba kit palat ia ka 30 ton.
Katba u Anand Singh Chauhan, uba dei u PD ka NHAI Shillong, hadien ka jingleit synran jong u ia u Bah George B Lyngdoh, MLA Umroi, ha ka por ba la leit ban jurip ia ki bynta ba twa ka jingkieng Dwarksuid, u la ong ba kan shimpor haduh 7 sngi ei ei ban maramot ia kitei ki bynta ba twa jong katei ka jingkieng.
Utei u heh ka NHAI, u la ong ruh ba hadien ba la dep ban jurip ia katei ka jingkieng, kam long kaba shngain na ka bynta ban iaid ki kali kiba la kit palat pud, hynrei wat haba la dep ban maramot ia kitei ki bynta ba twa, kaba shngain ia katei ka jingkieng, kan long tang ia ki kali kiba iaid hapoh 10 ton.
Ga buh jing kylli ba lei ka scholarship ha duh katne por dang bun bha ki ba dang under process with bank for payment kay ba Ki ba bun ki AC ki biang ki long active ma ngi ki khynnah ba ap nhi lah shu sah umdum halor ka jing leh jong ka sorkar meghalaya.