New Delhi,11Nailar:
” Uwei u shipai BSF u lamynsaw jur hadien ba la mih ki jingther kuli ba markylliang ha khappud ka Pakistan hynrei utei u shipai u la iap noh mynta ka sngi ha Hospital ha New Delhil. Kane ka jingjia ka la jia ha Jammu and Kashmir’s Samba district ha ka 5 atrik mynta u bnai.
Ia u tei u shipai uba long ruh u Head Constable la tip kyrteng kum u Ram Niwas Meena, la pynkit sha AIIMS na ka bynta ban ai jingsumar naduh ka sngi ba u la mynsaw ha katei ka thain khappud ka India bad Pakistan hynrei u la iap noh mynta ka sngi ha ka por 12:30 mynstep namar ki jingbym treikam shuh ki bynta ba shapoh ka met jong u bad na ka jingjur palat ka jingphlei snam, ong ki doktor katei ka jaka ai jingsumar.
“U Meena, u ba la iap noh hadien ba u la mynsaw jur namar ka jingksam borbah u kuli la ai haduh kumba 100 units ka snam” ong u Dr M C Mishra ka AIIMS Trauma Centre. Ia ka met jog u la pynkit noh sha ing jong u sha Rajasthan ha ryngkat ka jingiadonlang kiba haing ha sem jongu , la pynkit jong u da ka kali BSF mynta ka janmiet, ong ka khubor na u heh BSF.
Naduh ba la wanrah na Jammu and Kashmir ia u Meena la buh hapoh ICU jong ka AIIMS. Ka jingbym lah ban pynim ia utei u shipai ba la iap na ka bynta ka Ri ka dei namar ka jingksam jong u kuli khlain bor uba la siat da ki tiar siat kiba khlain bor bha.
Phi don ban ong eiei?