Iap u nongtrei ka Lafarge

Shillong, 10 Jymmang:
Ha ka step sngi saitjain, ka Top um jong ka kompeni Lafarge Mining Company kaba don ha Tyrkan, Shella ka la khyl lem bad ha katei ka jingjia uwei u nongtrei jong katei ka kompeni uba la tip kyr teng kum u Om Prakash Yadav (55 snem karta) u la iap hashen. Katei ka jingjia ka la jia ha ka por 8:30 baje myn step ha ka jaka sah ki nongtrei katei ka kompeni.
Utei u nongtrei u dei u Excavator Operator jong ka LUMPL , bad na ka liang ka LUMPL ka la pynpaw ka jingsngewsih jur halor ka jingkhlad utei u nongtrei jong ka bad ka la ong ba katei ka jingjia ka dei kaba la jia shabar jong ka jaka ba ka la shim wai ha Phlangkaruh, Shella, hynrei ia ka kam pat la trei kawei pat ka kompeni.Ka la ong ruh ba ka dang tohkit bha halor katei ka jingjia bad shen kan sa ioh ia ka ripod.
Haba phah ia ka jingsngewlem sha kiba haing hasem , katei ka kompeni ka la ong ba kan kner ia ki kti jingiarap sha ki bahaing utei u rangbah ba la khlad ha ka kam, bad ka la ong ruh ba kan phikir bha nangne shakhmat ban peit ba ki nongtrei jong ka kin shngain haba trei ia ka kam, wat shabar jong ka jaka treikam ruh.