Iap u heh duh ka ISIS na Pakistan, ba bthei bom

Peshawar, 17 Iaiong:
U nongialam jong ka seng lehnoh Islamic State na Pakistan u Hafiz Muhammad Saeed u la iap hashen hadien ba u bom uba ki jla pynap ha kawei ka rud surok u la bthei hi khlem poi pyrkhat, iathuh ki lad khubor. Ha katei ka jingjia ki don lain gut kiba la iap hashen, ha kaba ar ngut na ki ki dei hi ki paralok jong u Saeed, katei ka jingjia ka la jia ha ki thain ka Toor Dara ha Tirah Valley ha ki thain ka Khyber. Ki bor pulit ki la kam ba uwei na ki ba la iap ha katei ak jingbthei bom u dei u nongialam ba radbah ka kynhun IS, hynrei kam pat shym la don pat ka jingkam na katei ka kynhun lehnoh. U Saeed u dei na ka Aurakzai Agency , bad udei uwei na ki san ngut ki nongialam ka Tehreek-e-Taliban Pakistan (TTP) uba la pynbna ba u la iehnoh ia katei ka seng ha u risaw mynshem snem. Ka kynhun jong u ka la leit pyniasoh bad ka ISIS hapoh ka jingialam u Shahidullah Shahid, u nongaiktien barim ka TTP. Ha u snem ba la dep, ki bor bahalor ka IS ki la pynbna ba u Saeed u dei u nongialam ba rangbah katei ka seng na Pakistan.