Shillong: 5 ngut ki nongtrei bylla surok ki la iap hashen hadien ba ki la shah bat ding ilektrik ha ka jaka ba ki trei ia ka surok ha ka shnong Miapara kaba don hajan Mendipathar North Garo hills. Kane ka jingjia ka la jia mynta ka janmiet ha ka por 5:30 baje. Katei ka jingjia ka dei hadien ba ka khlain kynsan ka mashin khleh dewbilat kaba ki pyndonkam. Kitei ki 5 ngut kiba la iap ki dei kiba la tip kyrteng kum u Ashram Ali-30 snem, Depend Rabha-33 snem, u Ashram Ali -33 snem, u Total Ali-34 snem bad u Jornal Uddin Ahmed -36 snem, kitei ki dei na Assam lait noh u Depend Rabha uba dei na katei hi ka shnong.
