Iap palat 50 ngut ki khynnah pule

Potiskum,29 Nailur:
Palat 50 ngut ki khyn nah pule ki la iap ha ka jingthombor ki lehnoh Islamabic ia kawei ka jaka pule na ka bynta ka rep ka riang ne ka College of Agriculture kaba don ha ki thain shatei ka Nigeria. Ka tyllong khubor ka la iathuh ba ki lehnoh Islamabic ki la thombor ha katei ka jaka pule mynta ka step phyrngap phyrngap ha ka por 1 baje eiei ha kawei ka nongrit ha Gujba, ong u Molima Idi Mato jong ka Yobe State College of Agriculture, sha ki lad pathai khubor.
“Ki la thombor ia ki khynnah pule jong ngi katba ki dang ioh thiah lyngngai ha ka hostel jong ki , ‘Ki la siat naphang’ ong u Mato u bym lah ban ai ka jingtip bap aka haduh katno ka jingiap ka la poi bad la shu antad palat 50 ngut.
Haduh mynta ki shipai Nigeria ki la ioh kharhaduh 42 tylli ki met iap bad la pynkynriah noh ia ki 18 ngutki khynnah pule ki ba mynsaw sha Damaturu Specialist Hospital, ong uwei u shipai u ba la pynpaw ba um donbor ban ia kren bad ki nongthohkhubor bad um treh ia kren bha.