Iap ngam jyllop u samla na Assam, ha kawei ka Pung kaba don ha 8mer

Nongpoh: Uwei u samla ba dang 17 snem na ka jylla Assam, u la khlad noh hadien ba u la ngam jyllop ha kawei ka Pung Dohkha, kaba don ha shnong 8mer ha ki thain Khanapara ha Ri Bhoi.

Katei ka jingjia ka la jia hynne ka sngi u Blei, kata hadien ba utei u samla, u la leit ban sum bad la ki paralok hapoh katei ka Pung, hynrei namar u dei u bym da nangbha ha ka ban jngi, ka la pynlong ia u ba un ngam jyllop noh hapoh katei ka Pung Dohkha.

Tang mar ia tip halor katei ka jingjia, ki Pulit ka tnat Fire & Service na Ri Bhoi, ki la leit mar mar sha katei ka jaka, na ka bynt ban iarap ia utei u samla, hynrei haduh ba la lah ban sei, utei u samla u la khlad noh na sla pyrthei.