U Lyngdoh niam katholik, uba dei uwei na kiba ai sakhi halor ki kam bat bor kynthei jong U Bishop Franco Mulakkar, ula iap noh hynnin ka sngi ha Hoshiarpur District jong ka Punjab.
U Father Kuriakose Kattuthara (62), u la shu thiah lyngkrang ha ka jaka trei kam jongu, ha St Mary’s Catholic Church kaba ha Dasuya sub-division. La kit ia u mar mar sha Hospital, ha kaba ula iap noh pynban.
U Father Kuriakose, u dei u lyngdoh niam jong ka Jalandhar diocese bad u dei uba ai sakhi pyrshah ia U Bishop Mulakkal, uba la shah kynnoh ba u bat bor ia ka nun, haduh 13sien kynthih, hapdeng ki snem 2014 bad 2016.