Iap hashen ka kmie bad u khun, ba pom pyrthat ha Mawliehbah

Nongstoin, 18 Jymmang:
Kawei ka jingjia kaba sngewsang sot kaba la wan jia ha ka shnong Mawliehbah, ha kaba ki ar ngut ki myn siem briew jong kawei ka long iing ki la duh noh iala ka jong ka jingim hadien ba kila shah pom ha u pyrthat, kitei ki ar ngut ki mynsiem kiba la duh noh ki dei ki shi kmie shi khun.
Ia katei ka longkmie la tip kyrteng kum ka Ritalis Kharbani kaba na ka Shnong Mawliehbah WKH, ki la khlad noh ha shen ha ryngkat i khun shynrang jong ka i ba dang 5 snem ka rta hadien ka jingshah pom ha u pyrthat katba ka dang don ha ka iing sah ka jong ki.
Kat kum ka jingioh jingtip u nongthoh khubor na ki riew rangbah katei ka shnong la ong ba katei ka jingjia kaba sngewsih kala jia hynnin ka miet ha kapor kumba 8 duna ei ei katba kitei ki shi kmie shi khun ki la sdang ban khreh thiah noh artad, hynrei ha kaba kum katei ka por u slap u ba jur ha bad ka eriong er ngit kala wan kynsan kynsan ha ryngkat u pyrthat u bala jam u bala ioh ban pom ia kitei ki shi kmie shi khun.
Shuh shuh ka khubor ka iathuh ruh ba ha katei kapor ba jia katei ka jingjia ha katei ka iing jong ki la don tang ma ki ar ngut shi khun, katba u kpa jong katei ka iing u dang don ha lynti ban wan phai shala iing katba u dang wan na iew Nongstoin, hynrei namar ba jur palat u slap u la hap ban ieng rieh slap shwa hynrei ha shwa ba un poi iing katei ka jingjia kaba sngewsih kala wan ban jia ha ka iing jong u ha kaba u la duh noh iala i lok bad ia u khun shynrang jong u.