Nongpoh, 17 Iaiong:
Iwei I khyllung ba dang saw bnai ka rta I la khlad hashen bad saw ngut kiwei pat ki la mynsaw jur, hadien ba ka kawei ka Taksi ka la shah tynrah noh ha ka trok, hynnin ka sngi ha ka por 3.10 janmiet ha ka surok Shillong By-Pass, hajan jong ka shnong Lumdaitkhla Ri Bhoi District.
Kat kum ka khubor na ki pulit, la iathuh ba katei ka local taxi kaba don ia u no. ML-10-A 2240, ka dang wan na Nongtraw da kaba thmu ban leit sha Bhoirymbong, hynrei khlem poi pyrkhat ynda ki la poi ha Lumdaitkhla, katei ka local taxi ka la shah tynrah noh ha kawei ka trok.
Kiba la mynsaw ha kane ka jingjia ki kynthup ia u Pherbok Nongrum na Nongtraw uba dei ruh u nongniah jong katei ka local taxi, nangta ka Rihunlang Lamare (35) Iamonlang Lamare (16) bad ka Melahun Lamare (11), kiba dei na kajuh ka longing na ka shnong Mawbsein.
Tang mar ia ioh jingtip ki pulit, ki la hiar mar mar sha katei ka jaka na ka bynta ban ai jingiarap ia kiba la mynsaw, ha kaba ki la pynkit sha CHC Bhoirym bong na ka bynta ban ioh ia ka jingsumar, katba ka Melahun Lamare namar ka jingjur ka jingshitom, kumta la pynkit noh mar mar sha Shillong, khnang banioh ia ka jingsumar kaba paka.
Ki Pulit ka Ri Bhoi, ki la iathuh ruh hadien jong kane ka jingjia u draibar jong ka trok u la phet krad noh na katei ka jaka, kumta ki pulit ka Ri Bhoi ki la ai jingtip sha ki pulit ka Mawryngkneng ban iohkem ia utei u draibar bad ka trok, khnang ban lap ia ki jingshisha halor katei ka jingaksiden.
Phi don ban ong eiei?