Iap ei 5ngut, ba shah tap khyndew ha Lumparing

Shillong: 5 ngut ki briew ki la duh ei ia la ka jong ka jingim, hadien ba ka ing kaba ki sah ka la shah tap ha ka khyndew mynta mynstep ha Dhobi Ghat Lower Lumparing, Laban.

Kine ki briew kiba la khlad ki dei kiba la tip kyrteng kum u Imdad Nongrum 60 snem ka rta u Feroza Khan 40 snem ka rta, ka Rejeya Ahmed 35 snem ka rta ka Saira Ahmed 45 snem ka rta, ka Kaiyam Udin Ahmed 35 snem ka rta. Haduh ba thoh ia kane ka khubor ki pulit SDRF ki la lah ban sei 2 tylli ki met na kane ka jaka.