Iap 3 ngut, mynsaw jur 13,ba noh ka Bus sha riat

Shillong,23 Risaw:
Lai ngut ki briew ki la iap, 13 ngut ki la mynsaw jur bad 12 ngut ki la mynsaw malu mala hadien ba kawei ka Bus night Super ka la noh shariat kaba don ha kong-ong hajan ka shnong Tuber, East Jaintia hills. Katei ka jingjia ka la jia mynta ka sngi ha ka por 12: 30 baje eiei mynsngi. Katei ka Bus ka dei kaba dang thmu ban leit sha Agartala bad ka dang wan na Guwahati. Katei ka Bus ka don ia u nombar AS 01 EC 0154.
Lai ngut kiba la iap ha katei ka jingjia ki dei kiba la tip kyrteng kum u Makest Beori (25) na Uttauranagar ka Udalguri district, Assam, Dumar Kirki (23) na ka shnong Kaireugee, Nepal bad u Md. Mathur Rahman (25) na Sutnga , East Jaintia hills district. Kiba la mynsaw ki dei kiba la tip kyrteng kum u Amir Khan (16), Raja Karmakar (30), Biswanath Urang (20), Faraq Ahmed (56 years/male), Dita Borah (20years/male), N. D. Zafar (19), Dugan Rai (47), Kuturang (27), Mrinal (21), Kajol Mandal (25), Rohit (27), Milan (45) and Sanju Sinha (39), Nitul Singh (25), Kartik Singha (58), Nelesh Karmakar (20), Biplap Singh (23), Bhoku Baterai (50), Rahul Rai (15), Deepak Kanti (38), Dilip Kumar Rai (60), Nilas Krinkon (20), Bisu Nuren (34), Suman Singh (20), Vishnu Uray (24).
“Napdeng kitei ki lai ngut kiba iap uwei u la iap hashen katba kiwei pat ki la iap ha Jowai district hospital ha Ialong village, West Jaintia hills,hadien ba la jur ka jingmynsaw” ong uwei u heh pulit.
17 ngut ki briew kiba don hapoh bus kiba la mynsaw jur la pynkynriah sha North Eastern Indira Gandhi Regional Institute of Health and Medical Sciences (NEIGRIHMS), Shillong na ka bynta ka jingsumar katba kiwei pat la pynkynriah sha Khliehriat CHC. Kiwei pat ki briew kiba la shu mynsaw malu mala la sop la spain ha Jowai District hospital bad ki doktor ki la pyllait noh ia ki.
La iathuh ba ka daw ba katei ka Bus ka la noh shariat ka dei hadien ka jingbym lah shuh u nongniah ban teh lakam ha kawei ka khun ha kaba u la pyrshang ban kynriah na ka trok kaba la wan na pyrshah sha ka phang ba don ka Bus hynrei ha katei ka jingkynriah ka Bus ka la noh pynban shariat.