|
Jowai: 3 ngut ki briew ki la duh ei la ka mynsiem ba kordor ha ka jingiatyngkhuh kali kaba la jia ha ka sngi thohdieng bad sngi saitjain mynta u bnai ha West Jaintia Hills District.
Arngut ki la iap ha shen ha ka jingiatynrah kali kaba la jia ha Jowai bye pass ha ka miet sngi thohdieng.Ki tei ki ba la khlad la tip kyrteng kum u Chanki pasi bad u Lop Thubru kiba dei na ka shnong Nangbah katba u wei pat u ba dei u nongbud jong ka wei ka trok u la khlad noh mynhynin ka sngi saitjain na ka daw ka jingmynsaw jur.
Ha ka wei pat ka jingjia iatyngkhuh kali kaba la jia ha hynniewmer arngut ki briew ki briew ki la mynsaw jur hadien ba ka kali jongki ka la shah tynrah ha ka trok thylli katba ki dang iaid lynti na Tuber sha Jowai.
Kitei kiba mynsaw la tip kyrteng kum u Shainskit Dkhar(26), Firstborn Ryngkhlem (22) kiba dang don mynta ha Wood Land Hospital Shillong.
Shuh shuh ha katei ka jingjia, kawei pat ka trok kaba kit Clinker ka la leit tynrah ia katei ka trok bad baroh ar ki la kylla ha kaba ki driver bad ki nongbud jong kitei ki trok ruh ki la mynsaw. Kitei ki ba don ha ka trok kiba mynsaw ki kynthup ia u Panborlang Langstang(23), Riky Langstang(20), Lovely Nongtdu(21), Gunjan Das(28) and Satyajit Dhar(20).
|