Iap 2 ngut ha shen,ba tyngkhuh kali

Shillong, 7’lyngkot:
Ar ngut ki la iap hashen bad ar ngut kiwei pat ki la mynsaw jur ha ka jingjia aksiden kaba la jia mynta ka sngi ha Maw ryngkneng.
Katei ka jingjia ka la jia ha ka por 6:54 baje mynstep ha kaba kawei ka trok 12 shaka ka la tynrah nadien jong kawei ka Alto 800 bad ha katei ka por katei ka Alto ka la leit tyngkhuh beit beit sha kawei ka trok kaba wan na ka liang pyrshah.
Ha katei ka jingjia u nongniah jong ka Alto ryngkat bad uwei pat uba shong hakhmat ki la myn saw jur katba arngut pat kiba shong shadien u Starbor Shadap,53 snem karta bad u Brington Synnah, 48 snem karta ki la iap hashen.
Ka 108 Emergency Service Ambulance kaba don ha Mawryngkneng ka la pynkit ia u nongniah uba la tip kyrteng kum u Lenstar Lyngdoh,46 snemkarta bad uwei pat u Famous Shadap,20 snem karta sha Mawryngkneng PHC bad hadien la pynkynriah noh sha Woodland Hospital, Shillong.