Iap 18 ngut, lem bad arngut ki pilot, ba syntuid ka liengsuin ha Kerala

18 ngut ki briew, ki la iap ei ba kynthup ia baroh arngut ki nongniah bad sa 123 ngut kiwei pat ki la mynsaw, haba ka liengsuin jong ka Air India Express, kaba don ia 190 ngut ki briew, ka la syntuid hynnin ka miet, ha ka kad liengsuin jong ka Karipur, kaba don ha Kozhikode ha Kerala.

Katei ka liengsuin, ka dei kaba wan shaw ia ki nong India, kiba na shabar ri lane kaba don ha ka Vande Bharat Mission. Ka liengsuin, ka la syntuid na ka jaka hiar jongka bad ka leit pi sha kawei ka lhuh, kaba jrong 35 phut bad ka liengsuin, ka la kad arliang.