ïap 1 mynsaw da ki phew ngut, hap ka bos ha riat Mawjymbuiñ

Shillong, 30’lyngkot:
Mynta ka nohphai sngi hapdeng ka por 1:45 baje haduh 2:00 baje nohphai sngi kawei ka bos kaba don ia u nombar ML-05K9928 ba la ñiah da u bah Kyrshan Sawkmie ka la hap ha kawei ka riat kaba don hajan Maw-jymbuiñ-Mawsynram. Katei ka dei ka bos Lawbah bad la iathuh ba ha katei ka por ka dang wan na Ryngku ban kiew sha Shillong, hynrei ka la hap bad tyllun ha katei ka riat kaba jrong kumba 12 phut.
Ha katei ka jingjia ki la don haduh 45 ngut naduh kynthei bad shynrang kiba la mynsaw bad la pynkit ia ki sha CHC da ka 108 hynrei shuwa ban poi Hospital kawei ka kynthei Garo ka la khlad noh ha shiteng lynti shuwa ban poi Civil Hospital. La iathuh ba mynta ka miet kiba bun na kitei kiba la mynsaw ki la don ha Civil Hospital, Shillong.
Katei kaba la khlad noh kadei kaba la tip kyrteng kum ka Chandamuni Banai kaba na ka shnong Pataghat Ryngku.