| Nongpoh: Uwei u briew uba la tip kyrteng kum u Subro Dey, ula khlad noh hashen, katba u nongniah pat uba la tip kum u Sourav Biswas, u la mynsaw jur hadien ba katei ka Scoty kaba ki shong ka la shah tynrah ha kawei ka trok Dumper, ha Essar Petrol Pump kaba don ha Baridua, Ri Bhoi, ha kaba Katkum ka jingiathuh da ki pulit, la ong ba katei ka jingjia ka la jia hynnin ka step Sngi Saitjain ha ka por 2 baje ei ei, ha kaba katei ka Scoty kaba don ia u Number AS 01 DB 7827, ka la shah tynrah noh ha katei ka Trok Dumper AS 25BC 9620, tad haduh ba kan da shim syndon ia ka jingim briew. Utei uba la khlad noh bad utei uba la mynsaw ha katei ka jingaksiden ki dei na Assam. Halor katei ka jingjia aksiden na ka liang ki Pulit kin dang pynlong ia ka jingtohkit bad khamtam eh ban iohkem ia u nongniah jong katei ka Trok Dumper, namar utei u Dribar jong katei ka Dumper u la phet krad noh tang mar ia tynrah ia katei ka Scoty. |
Phi don ban ong eiei?