Iap 1, ba khyllem ka krem dewiong

Nongstoin, 24Naiwieng:
Uwei u nongtrei dewiong u la iap hashen hadien ba ka krem dewiong kaba u dang trei ka la khyllem noh, kane ka dei ka jingjia kaba –ar kaba la jia ha Borsora, South West Khasi hill district. Katkum ka khubor ba la ioh lum na ki pulit ka South West Khasi hills la iathuh ba utei u nongtrei ba la iap u dei uba ju khot u Bahrit bad u dei na Umsning ,Ri-Bhoi District.Utei u dei u nongtrei uba trei ha ka par dewiong jong u Bah Nore Marngar. Mar sien ioh jingtip halor katei ka jingjia ki pulit ki la mareh bran bran sha katei ka jaka bad ki la ioh ban pyllait im ia –ar ngut kiwei pat kiba la mynsaw bad ki don mynta ha Ranikor PHC. Ki pulit ki la pyntip sha ki bahaing hasem ba kin wan ban shimtit noh ia ka metiap hapoh 72 kynta , ia katei ka met iap la buh ha Mawkyrwat PHC hadien ba la dep leh ia ka post mortem.