Iam kthang ka wei ka longkmie ba bam duh ka ding iaka ing bad ka ing buh synsar

Shillong 27 Rymphang: Haka wei ka jing jia kaba la wanrah ka jing duhnong ka ba khraw iaka wei ka ing kaba don ha ka shnong Umsmu Ribhoi District kaba dang hap hapoh ka jing khmih jong ka Umsning Police Outpost ka la hap hapih ka apot pluh ding hakaba ka ki thylliej ding kiba la klang bha kala bam duh syndon ia ka ïing bad ka jaka buh ïa u synshar kaba ki dang shu dep wan kheit naki jaka rep ka la shah bamduh haduh da kylla dpei syndon.

Kat kum ka tyllong khubor bala ioh lum la ong ba kane ka jing jia Kane ka la jia hynnin ka sngi jong ka 26 tarik Rymphang ha ka por 2 baje ei ei noh phai sngi , ha kaba ka ding kaba shyrkhei ka la klang haduh bha bad kaba la pur stet bha haduh ba ka la pynkylla dpei syndon ïa ka ïing bad ka jaka ba ki buh ïa u synsar ba ki rep.

Kane la long ing kaba la mad iaka ne ka jing jia ba sngewsih ka dei jong ka Kong Merrilin Mawlong, kaba shong basah ha Umsmu Ribhoi District kaba la ngat haka jingduh nong kaba khraw nakane ka jing jia bym poi pyrkhat, Haba ïathuh sha ki lad pathai khubor, ka Kong Merrilin Mawlong, ka la ong ba kane ka jingjia ka la jia ha ka por ba kim poi pyrkhat bad kim lah ruh ban tip mano ba la leh ïa kane ka kam bad la shu suba ba lehse ki don ki riew shim kabu kiba wiang ding ïa u phlang ba ki la dep ban ot kaba la wan rah ïa ka jingpluh katei ka ïing.

Ka la batai ruh ba hakane ka jing jia , ki la duh lut naduh ka ïing, u synsar uba ki dang shu dep kheit na ka jaka rep, ka solar energy bad ki tiar ki tiar hapoh ka ïing baroh ki la ing lut khlem lait shuh namar ka ding ba shyrkhei ka la bamduh bad ka la pynkylla dpei syndon ia baroh ki jingdon jing em. Hynrei donbok ba hakane ka jing jia pluh ding ym shem la don satia kano kano ka jing jia ba sngewsih lane ka jing mynsaw.