Iam briew ka Hima Mawiang ba khlad u Bah Hoping

Shillong, 27 Nailur:
U Syiem bad ka Executive Dorbar ka Hima Mawiang ki pynpaw ia ka jingsngew sih kaba khraw halor ka jingkhlad noh kyndit jong u Maieit Hopingstone Lyngdoh, basan rangbah tam jong ka Hima Mawiang, uba dei ruh u MLA bad u nongialeh ia ka jylla Meghalaya.
“Ka Hima Mawiang, ka Jylla Meghalaya, ka Ri bad jaitbynriew ka la duh noh ia uwei na ki riew khraw, u riew radbah, nongsain hima uba la paw ha ka Ri bad ka Pyrtheiw baroh kawei. Ngi sngew ba ym don shuh kaba lah ban pyndap pat ia kane ka jaka kaba la thylli,” la pynpaw u Syiem ka Hima Mawiang, u bah N Syiem ha ka kyrwoh ba ula pyllait mynta ka sngi.
U bah Syiem ula pynpaw ba ka Hima Mawiang baroh kawei, ka don ryngkat bad phi ki ba ha iing jong u riewkhraw ha kane ka por kaba dum bad kaba sngewsih jong kane ka jingjia.
U nongialam ka UDP ka Mawthadraishan, u bah Lam Lyngdoh ula pynpaw ia ka jingsngewsih kaba khraw ia ka jingkhlad noh jong u Maieit Hopingstone.
Ka jingiap ka long ka jingduh kaba khraw kham ia ka thain West Khasi Hills hynrei ia ka jylla hi baroh kawei. Ngin iai kynmaw bad pyrto ia ki kam bah jong une u nongialam ba radbah khamtam lei lei halor ka jingdon bynta jong u ha ka jingiakhih Hill State Movement,” la pynpaw u bah Lam.