Ialap pynneh mariang ha Sohra

Shillong, 20 Naiwieng:
Ka seng Ieng Rasong Sports Social and Cultural Club ryngkat ka jingiatrei lang bad ka tnad jong ka Soil and Water Conservation Sohra lem bad ka District Planning office Shillong ki ladep ban pynlong ia ka seminar Cum Awareness on Environment ha ka 15 tarik mynta u bnai ha Community Hall Sohra Rim.
Ha katei ka seminar ba dang long shen ka kong Natalie West Kharkongor I ba dei i Officer jong ka Indian Institute of Management (IIM) Shillong ka long ka Kongsan ha katei ka sngi, i la kyntu ia ki nongshong shnong badki bor shnong ba ki dei ban don ka jingkitkhlieh ha kaba iadei kumno ban ri ban sumar ia ka mei mariang bad kumno ban pynjyrngangam pat ia ka da kaba thung ia ki dieng ki siej.
Ka Kong Natalie ka la kyntu ruh ba ia ki ba kidei ban wad ki lad ki lynti kumno ban trei ia ki kam ki jam kiba lah ban pynriewspah ia ka ri bad ka jaidbynriew bad ki dei ban don ka thong ban pyndon burom ia la ka shnong ka thaw kumba long ka shnong Mawlynnong.
La ioh ruh ka jingkren na u Bah HS Kharpran uba dei u Projek Manager ka Cherrapunjee Ecological.
Ha katei ka seminar la don ryngkat lang da ki nongpyniaid shnong ka shnong Sohra rim, ki nongshong shnong jong ki sn tylli ki shnong ba markhap bad ka sohra rim, ki Self Help Group, Seng samla, Seng kynthei jong ki shnong bapher bapher.