Ialam bakla ki myntri sorkar ia ki paidbah, ong u MLA

Shillong, 19 Naiwieng:
U MLA ka South Tura u John Leslee Sangma u la kynnoh ba ki don katto katne ki myntri sorkar MUA-II kiba ialam bakla ia ka iing dorbar bad ki paidbah ka jylla da kaba ai jingtip kaba bakla ia ki projek bapher bapher ha kane ka jylla.
Haba kren mynta ka sngi, sha ki nongthoh khubor, u John Leslee Sangma u la kynnoh ba u myntri ba dei peit u la ong da kumwei hapoh ha ka iing dorbar ba ka jingshna ia ka iew sor la dep ha Tura, hynrei ka jingshisha ka long ba kam don satia kaba kum kata.
“Ha kane ka rukom, myntri sorkar la ialam bakla ia ki paidbah ka jylla”, la ong u John.