Iakynduh U bah Lapang, Salseng, HDR ia ka Sonia Kyrmen ki 3ngut, ban bujli nongialam noh ha ka Sorkar

Shillong, 27 Nailar:
Mynta ka sngi, ha por 10.30 mynstep, ki lai ngut ki nongialam jong ka Congress, kiba kyn thup ia U bah DD Lapang, U SC Marak bad U Bah HDR Lyngdoh, myntri cabinet jong ka sorkar Jylla, ki la ia kynduh ia ka Sonia Gandhi President jong ka AICC, ha ka iing sah jongka ha 10, Janpath ha New Delhi.
Ka jingialang, ka neh shiteng kynta, ha kaba ka la don ka jingiakren, halor ka jinglong jingman jong ka sain hima sima ha ka Jylla, ka jingnang hiar jong ka seng Congress, ha kine ki sngi, ha ki rukom treikam bapher bad sa kiwei de ki phang kiba iadei bad katei ka kam.
Ka Sonia Gandhi, ka la shah shkor bha, ia ki phang, ba la leit rah, da kitei ki nongialam jong ka seng na ka Jylla bad kitei ki lai ngut ki nongialam, ki mih na katei ka jingiakynduh, da ka jingkyrmen kaba khraw, ha kaba kan sa don ka jingkylla ha ka jinglong jingman jong ka Jylla, kaba kynthup ruh ia ka jingkylla nongialam ha ka sorkar Jylla, ong ka kyrwoh, ba la phah da U bah Charles Marngar, uba dei u nong ai ktien, na U bah DD Lapang, President jong ka Meghalaya Pradesh Congress Committee.