Shillong:Ka Seng HNYF Southern Riwar Circle, Dawki ka la pynlong ia ka Get Together ha ka 21tarik Naiwieng 2020 kum shibynta ban lum lang ia ki dkhot jong ka na ki Unit bapher bapher kiba don ha ka thain Riwar Mihngi bad War Jaintia ban kyntu kynpham ban sneng ban khraw bad ban ia phylliew jingmut kumno ban peit ban khmih ia ka khia ka shon ka dong ka shnat hapoh ka thain Riwar baroh kawei.
Ka HNYF ka kyntu jur ia ka sorkar jylla ba kan dawa na ka sorkar India ban pyntreikam noh iaka Inner Line Permit (kum ba ki MLA baroh hynriewphew ngut ki la dep rai bad mynjur hapoh Assembly) hapoh ka jylla ka ban long ka stieh bah ban iada ia ngi ki paid hynniewtrep na ka jingrung kyrthlep u mynder ri.
Ka seng ka pynpaw ia ka jingsngew nguh bad ka jingkhublei kyrpang ia u DC (West Jaintia Hills), SDO (Civil) Subdivision Amlarem, SDO (Civil) Subdivision Pynursla kiba lah ai jingbit ia ka seng ba kan ioh iaid beit iaid ryntih ia kane ka jinglum lang jong ki dkhot jong ka, ong ka khubor na U bah Laszeus Lamin, General Secretary HNYF Sourthen Riwar Circle, Dawki.
Phi don ban ong eiei?