Iakynduh ki CFO jong lai ki District Council ha Shillong

Shillong: Ki “Chief Forest Officer” jong ki lai tylli ki District Council,ki la wan ban kynduh bad ka ka KHADC, JHADC bad ka GHADCha ophis jong ka KHADC.

U Executive Member ba dei peit ia ka tnad khlaw jong ka KHADC, u Bah Victor Ranee u la iathuh ba mynta ka sngi ki CFO jong ki lai tylli ki District Council,ki la ia kynduh ban ia mir jingmut ha ka ba ia dei bad ka jingthmu jong ka sorkar pdeng ban wan rah ia ka jingpynkylla ia ka Indian Forest Act bad halor katei ka jingthmu jong ka sorkar pdeng bad ka thaw ruh ia ka Committee kaba kyrpang ban peit bniah halor katei ka ain.

U Bah Ranee u la iathuh ba kan don ka jingiakynduh jong ki Executive Committee ha ka 10 tarik mynta u bnai, ban ia kren hapoh ka EC ha kaba ia dei bad kane ka jingthmu jong ka sorkar pdeng bad ha ka EC kin sa shim ia ka rai ha kaba ia dei bad ka jingai jingmut ba kin phah sha ka sorkar pdeng lyngba ka sorkar jylla.