Iakynduh ka APSTA bad U DSEL

Shillong, 22 Nailur:
Ka jingiakynduh jong ki APSTA bad AMPSTA ia u Director ka School Education and Literacy (DSEL) u A.CH Marak ha kaba iadei bad ka jingdawa jong ki ka la long kaba seisoh namar ba ki la ioh ka jingpynshai halor ka jingdawa.
Katkum ka kyrwoh khubor ba la pyllait da u General Secretary ka APSTA u Bah FC Shullai ryngkat bad ka Kong L Tiewsoh kila ong ba u Director jong ka DSEL u la ai jingpynshai ia ki ba iaka tulop jong ki nonghikai LP school ki bym dei jong ka sorkar la dep pyllait sha baroh ki ophis SDSEO.
U Bah Shullai u la pyntip ruh sha ki nonghikai ba ka sorkar ka la mynjur ban pyntreikam ia ka CPF, Gratuity bad DCRG. U General Secretary ruh u la kyntu ia ka komiti ba pyniaid jong ki skul ba kin iatreilang bad ba kin peit ia ki nonghikai kiba la ioh ban sei ia ka tulop sorkar. Ha kaba iadei bad kiwei ki jingdawa kum ka Head teacher allowance bad ka indcrement yn sa iakren khambha bad u Dr RC Laloo ha ka 30 tarik Nailur.