Iakren u Bah Banteidor bad u MR, ban pynsangeh ia ka kam shalan bad tih dewiong beaiñ ha ka jylla

Shillong: Hynnin ka sngi, u President jong ka seng saiñ pyrthei People’s Democratic Front (PDF) bad u ba long ruh u Myntri jong ka Sorkar Jylla, u Bah Banteidor Lyngdoh, u la iakren bad u Myntri Rangbah jong ka Sorkar Jylla, u Conrad K Sangma halor ka bynta ba dei ban pynsangeh noh ia ka jingtih bad ka jingshalan beaiñ ia u dewiong napoh kane ka jylla.

U la ong ruh ba ka long kaei kaei kaba sngewsih bha ban dang iohi ia ka jingnang iai bteng ban tih dewiong beaiñ ha kane ka jylla wat lada ka Sorkar Jylla ka la dep ban khang pyrshah ha ryngkat ka jingpyrkhing jong ka bad khamtam lei lei ia kane ka jingtih dewiong beaiñ la iohi dang shen ha kine ki sngi kiba la leit kaba la jia hapoh East Jaiñtia Hills District bad kaba la ialam ruh wat sha ka jingduh noh ia ki mynsiem kiba kordor.