Iakren ki CS ka Meghalaya, Assam ban iabhah ophisar rangbah

Shillong 2, Jylliew:
Ka jingialang jong ki ar chief secretary ka Assam bad ka Meghalaya la long ha Shillong ha kane ka sngi Nyngkong ban iakren ia ka jingbhah ia ki ophisar rangbah kum ki IAS ,IPS bad IFS cadre hapdeng kine ki ar tylli ki jylla.
U chief secretary ka Assam u Jitesh Khosla u la iathuh ha ki nongthoh khubor hadien ka jingialang ba ka ka jingialang ka long ban iakren ia ka jingbhah ia ki ophisar Indian Administrative Service (IAS), Indian Police Service (IPS) bad ki Indian Forest Service (IFS) hapdeng kine ki ar tylli ki jylla. Ka jingialang ka iakren ia ka jingbhah shano ki ophisar ki dei ban leit bad yn dang iapynbeit bha ia kane”, u la ong.
Hynrei na ka liang u Chief secretary ka Meghalaya u Bah WMS Pariat u la kynyaot ban iakren halor kane ka jingialang.
Ia u Khosla la synran da u Director General of Police (DGP) ka Assam u Khagen Sarma. Ka jingialang ka long ha kamra u Chief Secretary ka Meghalaya u Bah WMS Pariat ha kaba u DGP u PJP Hanaman u don lang nalor kiiwei ki heh sorkar.
U Khosal u

la iathuh ba ka jingialang ka iakren ia ki mat kiba iadei bad ka jingtreikam jong ki ophisar bad ka jingpynkiew kyrdan.
“Ngi kwah ban leh ia ka ha ka rukom ba kan don ka jingiabiang hapdeng ki ophisar ka na Meghalaya bad ka Assam,”, la ong u Khosla.
U Khoslau la ong ba ka jingialang yn pynlong man ka por hapdeng kine ki ar tylli ki jylla ban wanrah ia ka jingiadei kaba iajan bad kaba iasngewthuh jingmut.
Hynrei halor ka kam pud kam sam, u Khosla u la ong ba, “ka jingiakren ka biang ha kaba kine ki ar tylli ki jylla ki don ka rukom treikam ban leh ia kane”.