Iakren bha bad ki sengbhalang, ong ka UDP

Shillong, 17 Nailur:
Ka UDP ka la kyntu ia ka sorkar ba ka dei ban pyrkhat biang ia ka jingiakhih kaba la pur ha kane jylla da kaba khot ia ki sengbhalang ha ka jingiakren.
Ha ka kyrwoh ba la pynlait hynne ka sngi, u nongaiktien ka UDP u Bah Paul Lyngdoh u la ong ba ka sorkar kam shym leh ei ei ia kane ka jingiakhih kaba ktah ia ka shong suk shongsain ha ka jylla.
“Ka sorkar kam pyr shang ban pynkut ia kane ka jingiakhih ne ban wan rah ia ka suk ka sain,hynrei ka shu sngap mynthi pynban”, la ong u working President ka UDP u Bah Paul.
Lymda ka sorkar kan thaw ia ki lad ki lynti ban khot iakren bad ki sengbhalang ban pynbeit ia ka jingeh, kan wanrah pynban ia ka jingma shuh shuh lada bteng ka jingiakhih, la ong ka UDP.