Khyndiat sngi mynshwa, ka la don ka jing ia khih paidbah jong ki dkhot ka BJP ha Asansol jong ka West Bengal, ban pyrshah ia U Xi Jinping, jong ka China; hynrei, ki la bakla pynban bad ki leit thang da ka dur jong U King Jong Un jong ka North Korea.
Mynta pat ka la mih sa kawei ka jingiakhih bad iaid pyrshah halor ka jing kurup jaka jong ka China ha ka them Galwan, hynrei kitei ki nong iakhih, ki leit rah bakla da ka map jong ka America.
Katei ka jingjia, ka la jia ha ka 19tarik Jylliew 2020, ha kaba la pynlong ia ka jing iaid pyrshah ha kylleng ka Bengal ban pyrshah jur ia ka jing ia shoh jong ki shipai India bad ki shipai China, ha ka 15tarik Jylliew 2020, kaba la pyniap ia 20 ngut ki shipai India.
La pyni ia ki dur, kiba la ia sam paidbah ha ki social media, ha kaba kitei ki nongiaid pyrshah, ki leit rah da ka map jong ka America.
Ha katei ka jing rah ia katei ka lama, la don ruh ka dur jong U Xi Jinping, ha kaba la thang ia katei ka dur kham hadien.
Kito kiba iohi ia katei ka jing bakla jong kitei ki nong rah lama ha ka twitter, ki la ai jingmut ba kin pule kot bha bad pynleit jingmut bha ha ka kot geography.
Khlem ka jingpule bad ka jingnang jingtip,ban shu shong shit ieit ri palat eh ruh,shah rkhie beiñ pynban ha ka pyrthei..