Iakhih ki nongtrei sam marbam, ba kwah baibam tymmen

Shillong, 30 Risaw:
Ki nongtrei ka tnad sam marbam ne ka Food Corporation of India (FCI) ki la pynlong ia ka jingiakhih hynne ka sngi ha Shillong ophis da kaba shong dharna ha phyllaw ka ophis ban dawa na ka sorkar ba ka dei ban ai ia ka baibam tymmen ba thymmai, ban pynioh ia ka jingmyntoi ia ki nongtrei kyrdan III bad IV nalor kiwei ki jingmyntoi ba ka sorkar kam pat ai satia ia ki. Kine ki nongtrei ka FCI ki la pynlong ia ka jingiakhih ha ka ri bad ka la jia ruh ha kaba ka sorkar pdeng ka la pynkreh shaid shaid ban pyntreikam ia ka National Food Security Act.
Ia ka jingiakhih la pynlong hapoh ka lama jong ka Bharatiya Khadya Nigam Karmachari Sangh bad FCI Executive Staff Union kaba dei ka rynsan jong kine baroh. Ka jingiakhih nalor ka shong dharna deng lama iong.
Ki nongtrei ka FCI kin leit shah thngan ruh lai sngi naduh ka 19-21 tarik Naiwieng ban wan ha jaka sah u Prof KV Thomas uba dei u myntri ka Consumer Affairs and Public Distribution.