Iakhaid ka Lajong bad ka Gokulam Kerela

Shillong 22 Rymphang: Ka Shillong Lajong FC ka la iakhaid salit 1-1 pyrshah ia ka Gokulam Kerala FC ha ka jingiakhun kaba long mynta ka sngi ha JN Stadium , Shillong  ka lumpung Hero I-League 2018-19.

            U Marcus Joseph ka Gokulam Kerela u la ioh ban thep ia ka kol ha ka 42 minit hynrei ka Lajong lyngba u  Samuel Lalmuanpuia ka la ioh ban pynphai da ka penalty ha ka 65 minit ban pyniakhaid ia kaba la shah thep. Ka la pynlong ia u ban ioh thep  10 kol ha kane ka I-League.  Da ka jingiakhaid, ka Lajong ka kamai 11 point na ki 18 sien ialehkai ha kane ka i-league bad ka don ha trai duh ka miej kamai point ha kane ka lumpung.

              Mynta ka Lajong kan pynkhreh ban leit iakhun sha Aizawl ha ka 4 tarik Lber ban wan.

kumba ka long mynta ka Lajong ka la leh sniew bha ha kane ka i-league kaba ka la iakynduh ia ka jingshah rem kaba lynter tait naduh ba la sdang kane ka lympung. Kiba bun ki la iohi ba kane ka dei namar ba ka Lajong ka la pynialehkai da ki nongialehkai na kane ka jylla bad ka dong mihngi khlem da thied nongialehkai nabar ri kumba long ha ki snem ba la dep.