Shillong:Ka jingialehkai ka State Level Inter School Football Tournament (Subroto Mukherjee Cup) 2018 ka la iaid sha ka sngi kaba balai ha madan Polo, Shillong ba la pyllong da ka tnad ialehkai ka jylla.
Ha ka jingialehkai kiba hapoh 17 snem shynrang, ka East Khasi ka la pynliem ia ka South Garo Hills da 3-0 kol, ka South West Garo Hills ka la iakhaid bad ka North Garo Hills da 1-1, ka East Jaintia Hills ka la iakhaid bad ka West Garo Hills 1-1 kol, ka South Garo Hills ka la shah pylliem ha ka East Khasi Hills da 0-3 kol, ka West Jaintia Hills ka la pylliem ia ka North Garo Hills da 2-0 kol bad ka South West Khasi ka la iakhaid bad ka East Garo Hills ki la iakhaid 0-0 kol khlem lah ban iathep kol.
Ha ka liang ki kynthei pat ha ka u-17, Ri-bhoi ka la pylliem ia ka East Garo Hills da 6-0 kol, ka South West Garo Hills ka la shah pylliem ha ka West Khasi Hills da 0-6 kol bad ka West Jaintia Hills ka la iakhaid bad ka South West Khasi Hills mar 1-1 kol.
Ha ka jingialehkai ki shynrang ba hapoh 14 snem, ka East Garo Hills ka la shah pylliem ha ka East Khasi Hills da 0-7 kol, ka West Garo Hills ka la iakhaid bad ka West Khasi Hills mar 2-2 kol, ka East Jaintia Hills ka la pynliem ia ka South Garo Hills da 2-1 kol bad ka Ri-Bhoi ka la iakhaid bad ka West Jaintia Hills khlem don ba lah thep kol.