Shillong: Ka jingiakhun jong ki ar tylli ki kynhun radbah ka Rangdajied United bad ka Langsning ka la kut ha ka jingiakhaid khlem don ba lah ban thep kol ha ka jingiakhun ha kane ka sngi Saitjain ha madan Polo.
Ka jingialehkai ka long kaba iakhaid bha bad kaba shongshit bha namar ba naduh bas dang ka jingialehkai, ki la iakhun satar bha baroh ar liang.
Ka jingiakhaid ka mut ba ki la hap ban shu iasam mar shi point ha kane ka jingiakhun.
Ha ka jingiakhun ha ka 2nd Division, ka Nongumlong ka la pylliem ia ka Mawkhar da 2-1 kol. Ia ka Nongumlong la thep da u Anthony Kharkongor (25) bad u B Nongneng (89) katba ia ka Mawkhar la thep da u Micky Stone Wahlang (40).
Ha ka jingiakhun ka 3rd Division, ka Mawreng ka la pylliem ia ka Umlyngka da 3-1 kol. Ia ka Mawreng la thep da u K Sohlang (16), u B D Roy Sohlang (36) da ka shut bol bad u N Rani (54) katba ia ka Umlyngla la thep da u B Lyngdoh (8).