Shillong: Ka Nongrim Hills ka la iakhaid bad ka Smit khlem lah ban iathep kol ha ka jingiakhun ka lympung First Division ka SSA myn hynnin ka sngi ha madan Polo, Shillong. Da kane ka jingia-khaid, ki hap ban iasam mar shi point.
Ha ka jingialehkai ka second Divison, ka Ryntih ka la pynliem ia ka Nongumlong da 2-1.
Ia ki kol na ka Ryntih la thep da u Derrick Khongsit ha ka 61 minit bad u Batista Wahlang ha ka 90 minit, katba ka Nongumlong ka la pynphai shikol da u Donalius Lapang ha ka 34 minit.
Ha ka jingialehkai jong ka Third Division ka Umphyrnai ka la pynliem ia ka Golflink da 3-1.
Ia ki kol na ka Umphyrnai lyngba u Shano Tariang ha ka 13 minit, Bakitbok Mawlong ula thep ia ka kol ba-ar ha ka 63 minit bad ia ka kol balai la thep da u Amarson Lyngdoh ha ka 68 minit.
Ka Golflink ka la pynphai shikol lyngba u Bandranos Syiemlieh ha ka 12 minit.
Ha kawei pat ka jingialehkai ka Mawnianglah bad ka Rynjah ki la iakhaid khlem don ba ioh ban thep kol.
Katba ka jingialehkai ba lai ka Third Division, ka Kharang ka la pynliem ia ka Lumpyngngad da 5-2 kol. Ia ki kol na ka Khrang la thep da u Kynsai Nongrum ha ka 12 minit, u Army Shadap ula thep ar kol ha ka 18 bad 45 minit, u Rikmenlang Mukhim ha ka 38 minit, Shanbok Diengdoh ha ka 57 minit.
Ka Lumpyngngad ka la pynphai ar kol lyngba u Hehbok Nongkhlaw ha ka 48 minit bad u Kitborlang Lyndem ha ka 59 minit.
Lashai ha ka Third Division, ka Mawreng pyrshah ia ka Umphrup ha ka por 12 baje, ka Lamlynti pyrshah Green Age por 2 baje bad ka Young Xi pyrshah Lumdiengjri ha ka por 4 baje. Katba ha ka Second division ka Jongksha pyrshah Laitlyngkot ha ka por 3.45 baje bad ha ka SPL ka Rangdajied United FC pyrshah Nangkiew Irat ha ka por 4.45 baje.