Shillong: Ka Nongkrem bad ka Sohryngkham ki la iabiang jingkhein mar kawei ha ka jingialehkai bol jong ka lympung First Division ka SSA kaba ka long myn hynnin ka sngi ha madan Polo.
Ha ka jingiakhun kaba iabiang bor, ka Sohryngkham ka la thep lyngba u Lastking Warkhyllew ha ka 27 minit ban tam da 1-0 ha ka kylla step hynrei ha ka kyllamiet, ka Nongkrem ka la pynphai kylla lyngba u Hehkamai Sari ha ka 65 minit jong ka kylla miet ban pyniakhaid ha ia ka jingialehkai da 1-1 kol.
Da kane ka jingiakhaid ka Nongkrem bad ka Sohryngkham ki la hap iasam mar shi point.
Ha ka jingialehkai jong ka 2nd division ka Laitkor ka la pynliem ia ka Mawryngkeng da 3-1 kol. Ha ka jingialehkai ka Mawryngkneng ka la ioh ban thep kol nyngkong lyngba u Franklin Lymphud ha ka 11 minit.
Hadien ka Laitkor ka la pynphai kylla lai kol lyngba u Hamboy Lyngdoh ha ka 18 minit, u Sandy Kharkongor ha ka 80 minit bad Pynshngain Nongrum ha ka 45 minit bad rah ia ka jingjop da 3-1.
Ha ka jingialehkai jong ka third division ka Golf link SC ka la shah pynliem ha ka Kharang da 2-0.
Kane jingjop ka la wang lyngba ka kol ba la thep hi da u rangialehkai ka Golflink u Martin Kurbah ha ka 21 minit bad u Michel Marbaniang ula thep ha ka 13 minit.
Ha kawei pat ka jingiakhun ka Mawkriah west ka la pynliem ia ka Umsohdun da 3-0 kol. U Denald Nongbri na ka Mawkriah ula the par kol ha ka 16 bad 28 minit bad Fernando Sohkhlet ula bynrap shikol ha ka 22 minit.
Ha ka jingialehkai balai ka third division ka Madanryting ka la pynliem ia ka Qualapaty da 2-1 kol. Ki kol na ka Madanrynting ki la wan lyngba u Kmenlang Nongdhar ha ka 32 minit bad u Austin Nongkhlaw ha ka 44 minit.
Ka Qualapaty ka la pynphai kylla shikol lyngba Edilbert Rapsang ha ka 50 minit.