Iakhaid ka Meghalaya bad ka Sikkim ha ka Dr Ao

Shillong: Ka Meghalaya ka la iakhaid 1-1 pyrshah ia ka Sikkim ha ka jingiakhun ka Group B ka lympung Dr T Ao Trophy 2020 ba long ha Kohima ha kane ka sngi Palei.

Watla kila ioh ia ki lad ban pyrshang ha ka kol na baroh ar liang hynrei kim shym la lah ban pynkhih ia ka jar bad iakhaid tang mar kawei. Ia ka Meghalaya la thep da u Atlanson Kharmaw hynrei ka Sikkim ka la pynphai kylla ia kane ban pyniakhaid.

Da kane ka jingiakhaid, kine ki ar tylli kila iasam mar shi point. Ka Meghalaya kan ïakhun sa ia ka Assam ha ka 25 tarik Kyllalyngkot.

Lah ban kdew ba ka Meghalaya ha ka jingiakhun kaba la dep, ka la shah pynbam jem haduh shiteng dorjon ha ka Mizoram.