Iakhaid ka Mawshbuit bad ka Mawtawar ha ka 3rd division

Shillong: Ka Mawshbuit SC ka la iakhaid bad ka Mawtawar 0-0 ha ka jingiakhun kaba long myn hynnin ka sngi jong ka lympung 3rd division ha madan Polo. Ha kawei ka jingialehkai, Pohkseh SC ka la pylliem ia ka Nongkseh da 2-1 kol bad ia kine ki kol la thep da u W.Nongkhlaw 44’ bad N.Lyngkhoi 60’ katba ia ka Nongkseh SC la thep da u B.Rumnong 53’.
Ka Young XI ka la iakhaid bad ka Mawnianglah 1-1 ha kaba ia ka Young Xi la thep da u A.Suting 60’ katba ia ka Mawnianglah SC la thep da u N.Nongkhlaw 70’.
Ha ka jingiakhun ka 2nd Division, ka Laitumkhrah SC ka la pylliem ia ka Laitkyrhong da 2- 0 bad ia kine ki kol la thep da u D.Dkhar 34’, bad u A.Marbaniang 45’.
Shuh shuh ha ka jingiakhun ka 1st Division, ka Lawsohtun ka la iakhaid bad ka Mawlai SC 0- 0.
Lashai ka jingialehkai 2nd Divison, kan long hapdeng ka Nongrumlong SC vs Jongksha SC, 1st Division, ka Nongkrem SC Vs Marbisu SC.