Iakhaid ka Malki bad ka Pohkseh

Shillong, 26 Jylliew:
Ka Malki ka la iakhaid bad ka Pohkseh da 3-3 kol ha ka jingialehkai U-19 Premiere League hynne ka sngi Balang ha J.N. Stadium, Polo.
Na ka liang jong ka Malki, la ioh ban pynkhih jar da u Fernando Shadap ha ka 14 minit jong ka kylla step.
Katba na ka Pohkseh, la ioh ban thep ar kol da u Mickyson Tynsong ha ka minit ba 24 bad 33 uba long u khlur ba tbit ha katei ka sngi.
Ha ka kylla miet, u Andy Mawthoh u la ioh ban thep sa shi kol na ka bynta ka Pohkseh bad U Blessing Pamthied u la nang pynkiew shuh shuh sa shi kol ia ka Malki ha ka minit ba 62.
La pynryngkat ia ka kol da u Preciousland na Pohkseh ha ka minit ba 83.
Ka jingialehkai ha ka sngi Palei kan long hapdeng ka Nangkiew Irat pyrshah ia ka Mawlai ha ka por 4 baje nohphaisngi.
Kum ban shu pynkynmaw ba lada ka Nangkiew kan jop ha kane ka sngi, kan poi syndon sha ka phainal.